"Damantiñ a ran kalz, evit gwir, d'ar paourkaezh Hyde", a anzav ur wech an Dr Jekyll d'e vignon an noter Utterson. Penaos e c'hell Jekyll, brudet e kêr ha doujet evit e ouiziegezh hag e vadoberoù, kaout damant d'un hailhevod evel Hyde ? Ha perak ? Dre vignoniezh koulz ha dre guriusted, e vo kaset Utterson da ren ur gwir enklask polis evit diskuliañ ar c'hevrin a liamm an Dr Jekyll ha Mr Hyde.

Robert Louis Stevenson (1850 -1894) en deus savet oberennoù niverus-kenan. E-touez ar re anavezetañ emañ The Strange Case of Dr Jekyll and Mr Hyde (1886).