Piv eo Kou ? "Mab-ur-c'hast", eme lod. "Ya da, mab-ur-c'hast ez on", a responte Kou ennañ e-unan, "ha lorc'h ennon a vezañ, rak marteze ez on mab ar roue ; te, padal ha dit da vezañ Aotrou, ez out moarvat mab ar palafrigner".

An istor a c'hoarvez e Landerne er 14vet kantved. Emañ ar vosenn o reuziañ er vro. Pa vez ar marv o c'hourdrouz, e klasker lakaat ar vuhez da drec'hiñ dre gemer plijadur par ma c'heller : evañ, chervadiñ, karanteziñ…